សង្ខេបលទ្ធផលការឃ្លាំមើលសវនាការ ២០២៤

អនុសាសន៍

1. ក្រសួងយុត្តិធម៌ ពិនិត្យដាក់វិធានការណ៍ច្បាស់លាស់ ចំពោះការអនុវត្តន៍របស់ចៅក្រម  និងតំណាងអយ្យការទាំងឡាយណាដែលផ្ទុយនឹងគោលបំណង មាត្រា២០៨ និងមាត្រា២០៩  នៃនីក្រមតិវិធីព្រហ្មទណ្ឌឆ្នាំ២០០៧បានចែងអំពីថេរវេលានៃការឃុំខ្លួនបណ្តោះអាសន្ន ។ បើយោងរបាយការណ៍បានបង្ហាញថា  នៅតែមានការឃុំខ្លួន បណ្តោះអាសន្នមានថិរវេលាលើសពី៦ខែ ​រហូតដល់ជាង១៨ខែមានចំនួន៤២ករណី(៥៤.៥៤%)  ក្នុងចំណោម៧៧ករណី  បើធៀបរបាយការណ៍ចុងឆ្នាំ២០២៣កើន៨.៨៣%  (៨០ករណី នៃករណីសរុប១៧៥)។
2. ក្រសួងយុត្តិធម៌ពិនិត្យ និងដាក់ពិន័យរដ្ឋបាលធ្ងន់ធ្ងរចំពោះចៅក្រម  និងតំណាងអយ្យការទាំងឡាយណាដែលមានការយឺតយ៉ាវចំពោះពេលវេលាបំពេញភារកិច្ចការងារ បើកសវនាការជំនុំជម្រះ។  យោងតាមរបាយការណ៍បាន បង្ហាញថា តុលាការ(ចៅក្រម) នៅតែបន្តភាពយឺតយ៉ាវ​ក្នុងការចាប់ផ្តើមសវនាការជាក់ស្តែងខុសពីម៉ោងដែលបានកំណត់នៅក្នុងដីកា ចាប់ពី មួយម៉ោងកន្លះ រហូតដល់ជាងបីម៉ោង។
3. ក្រសួងយុត្តិធម៌ ពិនិត្យដាក់វិធានការណ៍ច្បាស់លាស់  ចំពោះការអនុវត្តន៍របស់ចៅក្រម និងតំណាងអយ្យការទាំង ឡាយណា ដែលមានការយឺតយ៉ាវក្នុងការចេញលិខិតអញ្ជើញមេធាវី និងភាគីចូលរួមក្នុងសវនាការជំនុំជម្រះ។
4. ក្រសួងយុត្តិធម៌ ពិនិត្យដាក់វិធានការណ៍ច្បាស់លាស់  ចំពោះការអនុវត្តន៍របស់ចៅក្រម និងតំណាងអយ្យការទាំង ឡាយណាដែលខកខាន មិនបានអញ្ជើញមេធាវីចូលរួមអមកូនក្តី ស្តាប់ចម្លើយកូនក្តីនៅតំណាក់កាលព្រះអាជ្ញា។
5. ក្រសួងយុត្តិធម៌ ពិនិត្យដាក់វិធានការណ៍ច្បាស់លាស់  ចំពោះការអនុវត្តន៍របស់ចៅក្រម និងតំណាងអយ្យការទាំង​ឡាយណាដែលខកខានមិនបានជូនដំណឹងអំពីដីកាសម្រេច ដូចជាដីកាសន្និដ្ឋាស្ថាពរ​និងដីកាដំណោះស្រាយ។
6. ចៅក្រម-តំណាងអយ្យការ​ ពិចារណាក្នុងការប្រើពាក្យ និយាយពីភាពមានឬគ្មានទោសដល់ជនជាប់ចោទមុនពេល ចេញសាលក្រម ជាពិសេសដូចជា ប្រាប់ឲ្យជនជាប់ចោទទទួលកំហុស និងប្រាប់ឲ្យដើមបណ្តឹងដកពាក្យបណ្តឹង។
7. ចៅក្រមពិនិត្យ-ពិចារណា អំពីសិទ្ធិរបស់ជនជាប់ចោទដូចជា  ជនជាប់ចោទមានពាក់ឯកសណ្ឋានពន្ធនាគារ និងដៃជាប់ខ្នោះ ក្នុងអំឡុងពេលសវនាការជំនុំជម្រះ។
8. ចៅក្រមពន្យល់ប្រាប់ជនជាប់ចោទ-ជនរងគ្រោះ ឲ្យបានច្បាស់លាស់ អំពីសិទ្ធិដែលត្រូវទទួលបានដូចជា សិទ្ធិមានមេធាវី សិទ្ធិមិនឆ្លើយ  សិទ្ធិមិនបង្ខំឲ្យសារភាពកំហុស និងសិទ្ធិសន្មត់ទុកជាមុនថា គ្មានកំហុស សិទ្ធិដឹងពីបទចោទ សិទ្ធិដឹងការបរិច្ឆេទ-ទីកន្លែងប្រព្រឹត្តបទល្មើសជាដើម។
9. ក្រសួងយុត្តិធម៌ ពិនិត្យដាក់វិធានការណ៍ច្បាស់លាស់ ចំពោះគ្រប់សាលាដំបូង ក្នុងការបើកចំហរដល់សាធារណៈជន និងអ្នកសាពត៌មានបានចូលស្តាប់សវនាការសាធារណៈ ដោយគ្មានការហាមឃាត់ និងបណ្តេញចេញ។

ព័ត៌មានបន្ថែមសូមទំនាក់ទំនង៖

• លោក យិន ម៉េងលី             អនុប្រធានផ្នែកសិទ្ធិមនុស្ស និងដីធ្លី ០៨៦ ៤០៨ ៦៦៦

ទាញយក សង្ខេបរបាយការណ៍ឃ្លាំមើលសវនាការ-2024

ទាញយក របាយការណ៍ឃ្លាំមើលតុលាការ_Oct23 – Sep24