គម្រោងការការពារ និងទប់ស្កាត់ការបង្ខំរៀបការវ័យក្មេង នៃសមាគមអាដហុក តាមរយៈភ្នាក់ងារជំនួយអាមេរិក USAID ប្រចាំនៅកម្ពុជា។ នៅខែមេសា ឆ្នាំ២០២៣ កន្លងមកនេះ សមាគមអាដហុកខេត្តមណ្ឌលគិរី បានរៀបចំវគ្គផ្សព្វផ្សាយស្តីពី “ផលប៉ះពាល់នៃការរៀបការវ័យក្មេង” ៧វគ្គនៅភូមិផ្សេងៗគ្នាស្ថិតក្នុង ឃុំប៊ូស្រា ស្រុកពេជ្រាដា ខេត្តមណ្ឌលគិរី ដោយជោគជ័យ។ វគ្គទី១ រៀបចំនៅថ្ងៃទី៧ នៅភូមិពូទឹត វគ្គទី២ នៅថ្ងៃទី០៨ នៅភូមិពូរាំង វគ្គទី៣ នៅថ្ងៃទី៩ រៀបចំនៅភូមិពូចារ វគ្គទី៤ រៀបចំនៅថ្ងៃទី១០ នៅភូមិប៊ូស្រា វគ្គទី៥ រៀបចំនៅថ្ងៃទី១១ នៅភូមិឡាំមេះ វគ្គទី៦ នៅថ្ងៃទី១២ និងភូមិពូទិល វគ្គទី៧ រៀបចំនៅថ្ងៃទី១៣ នៅភូមិពូលុ ដែលមានអ្នកចូលរួមសរុបចំនួន ២០៤នាក់ (ស្ត្រី ១៦២នាក់)។
គោលបំណងនៃវគ្គផ្សព្វផ្សាយនេះ គឺដើម្បីឱ្យឪពុកម្តាយ យុវជន សហគមន៍ និងបងប្អូនជនជាតិដើមភាគតិច យល់ដឹងអំពីផលប៉ះពាល់នៃការរៀបការវ័យក្មេង ផ្លាស់ប្តូរអាកប្បកិរិយាក្នុងការបង្ខំរៀបការទាំងវ័យក្មេង និងយល់ដឹងពីច្បាប់ដែលពាក់ព័ន្ធនឹងការរៀបអាពាហ៍ពិពាហ៍។
