Author: ADHOC- Cambodia

ភ្នំពេញ ថ្ញៃទី ១៦ ខែ កក្តដា ឆ្នាំ ២០១២ សមាគមការពារសិទ្ធិមនុស្ស និង អភិវឌ្ឍន៍នៅកម្ពុជា(អាដហុក) ពិតជាមានការព្រួយបារម្មណ៍យ៉ាងខ្លាំង ពីការចាប់ខ្លួនរបស់ប្រធានវិទ្យុសំបុក្រឃ្មុំ ម៉ម សូណង់ដូ​នៅផ្ទះរបស់គាត់នៅទីក្រុងភ្នំពេញ កាលពីម្សិលមិញនេះ។ យោងទៅលើពត៍មានដែលទទួលបាន លោក ម៉ម សូណង់ដូ​ ប្រឈមនឹងការចោទប្រកាន់ ពីបទ កុបកម្ម ញុះញ៉ង់ ដែលនឹងអាចត្រូវផ្តន្ទាទោសដាក់ពន្ធនាគាលើសពី២០ឆ្នាំ។( តាមបញ្ញត្តិមាត្រា​ ៤៥៦,៤៥៧,៤៦៤,៥០៤,​និងមាត្រា ៦០៩)។ គាត់ត្រូវបានចាប់ខ្ឡួនតាម ប្រសាសន៍របស់លោកនាយករដ្ឋមន្រ្តី ហ៊ុន សែន ដែលបានប្រកាសថា លោកម៉ម សូណង់ដូ ត្រូវទទួលខុសត្រូវផ្ទាល់ចំពោះបទល្មើសដែលកើតឡើងនៅ ស្រុកឆ្លូង ខេត្តក្រចេះ។ សមាគមអាដហុកមានការព្រួយបារម្ភថា នេះគ្រាន់តែជាលេស ដើម្បីបំបាត់សំលេង សេរីភាពសារពត៍មាន និង ការតស៊ូដើម្បីលទ្ធីប្រជាធិបតេយ្យតែប៉ុណ្ណោះ។​សមាគមអាហុកក៏ស្នើសុំផងដែរអោយអាជ្ញាធរធ្វើការដោះលែងគាត់ជាបន្ទាន់។

សមាគមការពារសិទ្ធិមនុស្ស និងអភិវឌ្ឍន៍នៅកម្ពុជា ហៅកាត់ថា(អាដហុក) បានធ្វើការ តាមដាន និងឃ្លាំមើល យ៉ាងយកចិត្តទុកដាក់ ទៅលើដំណើរការ នៃទំនាស់ដីធ្លីក្នុង តំបន់បឹងកក់ ព្រមទាំងដំណើរការនៃការ ចាប់ខ្លួន និងផ្ដន្ទាទោស អ្នកភូមិបឹងកក់ ចំនួន ១៣ នាក់ ដោយតុលាការ កម្ពុជា នាពេលកន្លងមក។

នៅថ្ងៃទី២៧ ខែមិថុនា ឆ្នាំ២០១២ តុលាការ សាលាឧទ្ធរណ៍ បានបើកសវនាការ ជំនុំជម្រះ ករណី អ្នកភូមិបឹងកក់ ១៣នាក់ ដែលត្រូវបានផ្ដន្ទាទោស ដោយតុលាការ សាលាដំបូង​រាជធានីភ្នំពេញ កាលពីថ្ងៃទី២៤ ខែឧសភា ឆ្នាំ២០១២ កន្លងមក។ សាលាឧទ្ធរណ៍ បានតម្កល់​សេចក្ដីសំរេច របស់តុលាការ សាលដំបូង រាជធានីភ្នំពេញ ដោយគ្រាន់តែធ្វើ​ការ កែប្រែស្ថានទម្ងន់ ទោសពីការ ផ្ដន្ទាទោស អ្នកទាំង ១៣នាក់ ពីជាប់ពន្ធនាគារ រយៈពេល ២ឆ្នាំ ៦ខែ មកនៅត្រឹម ១ខែ ៣ថ្ងៃ វិញ។ នៅក្នុង អង្គសវនាការ ដែលដឹក នាំដោយ ឯកឧត្ដម សេង ស៊ីវុត្ថា ជាប្រធាន​ក្រុមប្រឹក្សា ជំនុំជម្រះ ប្រជាពលរដ្ឋ ទាំង ១៣នាក់ មានឱកាស ច្រើនជាង នៅក្នុងអង្គសវនាការ សាលាដំបូង រាជធានីភ្នំពេញ

អ្នកភូមិបឹងកក់ ១៣នាក់ ​ដែលត្រូវបាន អាជ្ញាធរ ក្រុងភ្នំពេញ ចាប់ខ្លួន កាលពីថ្ងៃទី២២ ខែឧសភា ឆ្នាំ២០១២ និងត្រូវបាន​តុលាការសាលាដំបូង រាជធានីភ្នំពេញ សំរេច ផ្ដន្ទាទោស អោយជាប់ ពន្ធនាគារ រយៈពេល ២ឆ្នាំ ៦ខែ នោះត្រូវបាន តុលាការសាលាឧទ្ធរណ៍ បើកសវនាការ នៅព្រឹកថ្ងៃទី២៧ ខែមិថុនា ឆ្នាំ២០១២។ ស្របពេលដែល តុលាការសាលាឧទ្ធរណ៍ កំពុងបើកសវនាការ ក៏មានប្រជាពលរដ្ឋ បឹងកក់ប្រមាណជា ៣០០នាក់ បាននាំគ្នា ធ្វើការដង្ហែក្បួន នៅក្នុងរាជធានីភ្នំពេញ ដើរសំដៅទៅ តុលាការសាលាឧទ្ធរណ៍ ត្រូវបាន កម្លាំងសមត្ថកិច្ចរាជធានីភ្នំពេញ វាយរារាំង មិនអោយហ្វូងប្រជាពលរដ្ឋ ធ្វើដំណើរទៅមុខ។ នៅក្នុងហេតុការនោះ កម្លាំងប៉ូលិស បានវាយដំទោះលើស្រ្តី ឈ្មោះ ពៅ ស្រីស្រស់ ដែលជាស្រ្តី មានផ្ទៃពោះ ៣ខែ រហូតរលូតកូន។

អ្នកភូមិបឹងកក់ ១៣នាក់ ​ដែលត្រូវបាន អាជ្ញាធរ ក្រុងភ្នំពេញ ចាប់ខ្លួន កាលពីថ្ងៃទី២២ ខែឧសភា ឆ្នាំ២០១២ និង ត្រូវបាន តុលាការសាលាដំបូង រាជធានីភ្នំពេញ សំរេច ផ្ដន្ទាទោស អោយជាប់ ពន្ធនាគារ រយៈពេល ២ឆ្នាំ ៦ខែ នោះត្រូវបាន តុលាការសាលាឧទ្ធរណ៍ បើកសវនាការ នៅព្រឹកថ្ងៃទី២៧ ខែមិថុនា ឆ្នាំ២០១២ ដែលដឹកនាំដោយ ឯកឧត្ដម សេង ស៊ីវត្ថា ជាប្រធាន នៃក្រុមប្រឹក្សាអង្គជំនុំជម្រះ។

នៅក្នុងដំណើរការ នៃអង្គវនាការ ក្រុមប្រឹក្សា អង្គជំនុំជម្រះ បានបើកឱកាស អោយប្រជាពលរដ្ឋ ទាំង​១៣នាក់ ​ដែលជាជនត្រូវចោទ មានលទ្ធភាព និងឱកាស ក្នុងការ ឆ្លើយតបទៅនឹង សំនួរ របស់ ក្រុមប្រឹក្សា ក៏ដូចជាសំនួរ របស់ ព្រះរាជអាជ្ញា និង មេធាវិដើមចោទ។ ក៏ប៉ុន្តែ នៅក្នុង អង្គសវនាការ តុលាការ ពុំបានបង្ហាញ ភស្ដុតាង និងពុំបាន កោះហៅ អាជ្ញាធរ ដែលបាន តាំងខ្លួនថា ជាជន រង គ្រោះ នៅក្នុង ហេតុការណ៍ ដែលកើតឡើង កាលពីថ្ងៃទី២២ ខែឧសភា ឆ្នាំ២០១២ កន្លងមក ដើម្បី ធ្វើការសួរដេញដោល នៅក្នុងអង្គសវនាការ កាលពីព្រឹកថ្ងៃទី២៧ ខែមិថុនា ឆ្នាំ២០១២ នោះទេ។