Author: ADHOC- Cambodia

កង្វល់ដែល​បានលើក​ឡើង​ក្នុង​កិច្ច​សម្ភាសន៍ ជាមួយ ទូរទស្សន៍​អាស៊ី​អគ្នេយ៍ និង ទូរទស្សន៍​ហង្សមាស​ថ្ងៃនេះ៖ ១.ការកើន​នូវករ​ណីឃាត​កម្ម ដោយ​សារ​ហិង្សា​ក្នុង​គ្រួសារ ប្រៀបធៀប​២ខែចុង​ឆ្នាំ​២០១២ និង​ដើម​ឆ្នាំ​២០១៣ ជាមួយ​នឹងចុងឆ្នាំ ២០១៣ និង​ដើមឆ្នាំ​​២០១៤ នេះ ពី​៦ករណី​​មក ១១ករណី​​​ ២.ស្ថានភាព​ធ្ងន់ធ្ងរ​ទៅៗ ដែលជា​ដើមហេតុ​នៃហិង្សា និង​វិបត្តិក្នុង​គ្រួសារ បាន​បណ្តាល​ឲ្យមាន អំពើឃាត​កម្ម និង អត្តឃាត ដូចជា​ប្តីសម្លាប់​ប្រពន្ធ  ប្តីសម្លាប់​ប្រពន្ធ  កូនសម្លាប់​ម្តាយ ការធ្វើអត្ត​ឃាតដូច​ជា​ដុត​សម្លាប់​ខ្លួន ការ​លេបថ្នាំ​សម្លាប់​ខ្លួន ចងក​សម្លាប់​ខ្លួន អារក​សម្លាប់​ខ្លួន​ ៣.កង្វល់​អំពីភាព​ទន់ខ្យោយ​នៃប្រសិទ្ធិភាព​នៃការអនុវត្តន៍​ច្បាប់ទប់​ស្កាត់អំពើ​ហិង្សា …

សមាគមការពារសិទ្ធិមនុស្ស អាដហុក សូមអំពាវនាវ ដល់សាលាឧទ្ធរណ៍ សុំអោយធ្វើការដោះលែង លោក វន ពៅ និង កម្មករចំនួន ២០នាក់ ដែលកំពុងជាប់ឃុំនៅក្នុងពន្ធនាគារ ទំពាំងផ្លុង អោយមានសេរីភាពឡើងវិញ។ ករណីខាងលើនេះ សមាគអាដហុក បានតាមយ៉ាងយកចិត្តទុកដាក់ និងបានផ្ដល់មេធាវី ដល់ជនរងគ្រោះ ចំនួន១៥ នាក់ ក្នុងចំណោម ជនរងគ្រោះ ២៣នាក់ ដែលត្រូវ បានអាជ្ញាធរ រដ្ឋាភិបាល នឹងជាពិសេស កម្លាំងទាហាន ឆត្រយោង លេខ ៩១១ ដែលមាន ចំនួន ប្រមាណជា ៦០ នាក់ និង ប៉ូលិស ប្រហែលជា ៥០នាក់ ដោយមានកាំភ្លើងអាកា កាំភ្លើងខ្លី ដំបង ដំបងឆក់ និងខែល សំរាប់ការពារ ទៅលើក្រុម កម្មករ រោងចក្រ យ៉ាក ជីន នៅថ្ងៃទី២ ខែមករា ឆ្នាំ២០១៤ និង នៅថ្ងៃទី៣ ខែមករា ឆ្នាំ២០១៤ នៅលើផ្លូវវ៉េងស្រង មុខសួនកាណាឌីយ៉ា។ យោងតាមការស៊ើបអង្កេត និងតាមដានទៅលើសំណុំរឿង ខានលើនេះ សមាគអាដហុក ចាត់ទុកថា ការចាប់ និង ឃុំខ្លួន លោក វន ពៅ និង កម្មករ ២២នាក់ផ្សេងទៀតនោះ ជាការចាប់​និង ឃាត់ខ្លួន ដោយរំលោភ ច្បាប់ (រំលោភនីតិវិធី និង គ្មានមូលដ្ឋាន អង្គហេតុ និង អង្គច្បាប់ សំរាប់ជាមូលដ្ឋាន ក្នុងការចាប់ និង ឃុំខ្លួនអ្នកទាំង ២៣រូប) ដែលជាការរំលោភសិទ្ធិមនុស្សយ៉ាងធ្ងន់ធ្ងរ។

សមាគមការពារសិទ្ធិមនុស្ស អាដហុក សូមជំរុញដល់ ស្ថាប័នអនុវត្តច្បាប់ ត្រូវចាត់វិធានការណ៍ អោយបានម៉ឹងម៉ាត់ ក្នុងការចាត់ វិធានការណ៍ ទៅលើជនប្រព្រឹត្ត ដែលបាន ប៉ុនប៉ង ធ្វើឃាត លោក សុក រដ្ឋា អ្នកសម្របសម្រួល សមាគងាដហុក ខេត្តមណ្ឌលគីរី និង សហការីរបស់លោក ២រូបផ្សេងទៀត (លោក ប៊ុន ចន្ថា អាយុ ៤៩ឆ្នាំជាជំនួយការ និង​លោក ឡេ កៅ អាយុ ២៩ឆ្នាំជាសកម្មជន ក្រុងសែនមនោរម្យ) កាលពីថ្ងៃទី៨ ខែមករា ឆ្នាំ២០១៤ ដែលប្រព្រឹត្តឡើងដោយ ឈ្មោះ ប៉ែន សុខុម ជាអ្នកការពារ ក្រុមហ៊ុន (វិឡាឌីវិឡុបមេន) Vila Development ដោយប្រើប្រាស់ រថយន្តម៉ាក Tacoma ពាក់ស្លាកលេខ កំពង់ចាម 2A-5873។

ករណីនេះ លោក សុក រដ្ឋា និង សហកការីរបស់លោក ទាំងពីរនាក់បាន ដាក់ពាក្យ ប្ដឹងទៅ តុលាការខេត្តមណ្ឌល់គីរី កាលពីថ្ងៃទី៨ ខែមករា ឆ្នាំ២០១៤ ក្រោយពីការដាក់ពាក្យប្ដឹង ទៅស្ថាប័នអាយ្យការ អមសាលាដំបូងខេត្តមណ្ឌលគីរី ក៏មានសមត្ថកិច្ចដែលពាក់ព័ន្ធ នៅក្នុងរឿងក្ដីនេះ មួយចំនួន និង តំណាងក្រុមហ៊ុន បានព្យាយាមធ្វើការសម្របសម្រួល ផ្ដល់សំណងរដ្ឋប្បវេណី និង រំលត់បណ្ដឹងអាជ្ញា ជាមួយ លោក សុក រដ្ឋា និង ជនរងគ្រោះពីររូបផ្សេងទៀត ប៉ុនតែការព្យាយាមនេះ ត្រូវបាន លោក សុក រដ្ឋា ក៏ដូចជា សមាគម អាដហុក បដិសេធមិនទទួលយកតាមការស្នើសុំខាងលើនេះ។

ភ្លើង​ប្រច័ណ្ឌ ធ្វើអោយ​​​ប្តីចាក់សាំង​ដុត​សម្លាប់ខ្លួនឯង និង​ប្រពន្ធ ឈ្មោះ នី រស្មី​ អាយុ​២៩ឆ្នាំ ស្លាប់នៅ​​នឹងកន្លែង រីឯប្តី​ជាអ្នកបង្ក​ហេតុ​បានស្លាប់​ពីរ​ថ្ងៃក្រោយហេតុការណ៏​កើតឡើង​នៅ​មន្ទីពេទ្យ ហើយត្រូវបាន​សាច់​ញ្ញាតិយក​​ទៅធ្វើបុណ្យ​​នៅ​ស្រុក​សង្កែ​ ខេត្ត​បាត់ដំបង ចំណែក​​កូនពីរនាក់ (ប្រុស១ស្រី១)  រងរបួស ដៃជើង​​កំពុងព្យាបាល​​នៅមន្ទីរ​ពេទ្យ​ខេត្ត រឿងរ៉ាវនេះ​​បានកើតឡើង​​នៅថ្ងៃទី ០៣​ ខែ កុម្ភ: ឆ្នាំ ២០១៤ វេលាម៉ោង​​១១:៤០នាទី​យប់ នៅ​ភូមិ​កសិកម្ម សង្កាត់​ ស្រង៉ែ​ ក្រុង​​សៀមរាប ខេត្ត​​សៀមរាប។

នៅថ្ងៃទី ០៤ ខែ កុម្ភៈ ឆ្នាំ ២០១៤ វេលាម៉ោង ៩ព្រឹក នៅទីស្នាក់ការ​សមាគម​អាដហុកភ្នំពេញ មានការរៀបចំ​ធ្វើសន្និសិទ​សារពត៌មាន ស្តីពី ការប្រឈម​របស់ពលករ​ខ្មែនៅ​ប្រទេសថៃ ដោយមាន​ការចូលរួមពី ៖ អ្នកស្រី ជួន ចំរុង ប្រធានផ្នែក​ស្រី្ត​សមាគម​អាដហុក អ្នកស្រី គា សុផល មេធាវី រួមជាមួយ​ជនរងគ្រោះ និងអ្នកសារ​ពត៌មាន​ជាតិ អន្តរជាតិ​បានចូលរួម​ផងដែរ។ អ្នកស្រី ជួន ចំរុង ប្រធានផ្នែក​ស្រី្តសមាគម​អាដហុក បានថ្លែង​ក្នុងកម្មវិធី​បើក​សន្និសិទ​សារពត៌មាន​ដោយបានលើក​ឡើងពី …

នៅថ្ងៃទី ១៤ និង ១៥ ខែ មករា ឆ្នាំ ២០១៤ នារីខ្មែរ​ពីរនាក់​ឈ្មោះ ឆ.សទ ភេទស្រី អាយុ ១៨ឆ្នាំ មានស្រុក​កំណើត​នៅខេត្ត​សៀមរាប និងឈ្មោះ សខ.សភ ភេទស្រី អាយុ ១៩ឆ្នាំ មាន​ស្រុក​កំណើត​នៅខេត្ត ស្វាយរៀង ត្រូវបាន​មេខ្យល់​ឈ្មោះ ណង ឈ្មោះ គន. វទ សហការ​ជាមួយ​មេបន​នៅប្រទេស​ថៃ​ឈ្មោះ សង នាំពីភ្នំពេញ​យកទៅលក់​អោយធ្វើជា​ស្រីពេស្យា​នៅប្រទេស​ថៃ​តាមច្រក​ខេត្ត​កោះកុង ដោយមេខ្យល់​កុហក​នារីរង​គ្រោះ​ទាំងពីរនាក់​ថា …