កាលពីថ្ងៃទី១៨ ខែសីហា ឆ្នាំ២០២៣ សមាគមការពារសិទ្ធិមនុស្ស និងអភិវឌ្ឍន៍នៅកម្ពុជា ហៅកាត់ថា “សមាគមអាដហុក” បានប្រជុំបណ្តាញ “អ្នកការពារសិទ្ធិមនុស្សមូលដ្ឋាន និង តំណាងសហគមន៍ថ្នាក់ខេត្ត” នៅការិយាល័យសមាគមអាដហុកខេត្តឧត្តរមានជ័យ ស្ថិតនៅភូមិបុរីរដ្ឋបាល សង្កាត់សំរោង ក្រុងសំរោង ដោយមានសិក្ខាកាមចូលរួម ២៧ នាក់ ក្នុងនោះមានស្ត្រី ៥នាក់។ គោលបំណង៖
១.ផ្តល់ឲ្យតំណាងសហគមន៍នូវចំណេះដឹង អំពីច្បាប់ សិទ្ធិដីធ្លី និងធនធានធម្មជាតិ សិទ្ធិស្រ្តី និងអំពើហិង្សាយេនឌ័រ សិទ្ធិបញ្ចេញមតិ សិទ្ធិពលរដ្ឋ សិទ្ធិជនជាតិដើមភាគតិច។
២.ដើម្បីពង្រឹងសាមគ្គីភាពរវាងសហគមន៍នានា នៅថ្នាក់ខេត្ត និងថ្នាក់តំបន់។
៣.ជំរុញសហគមន៍ដែលរងផលប៉ះពាល់ ត្រូវពិភាក្សាគ្នារកដំណោះស្រាយ ជាមួយអាជ្ញាធរពាក់ព័ន្ធ ដោយសន្តិវិធី ចំពោះការរំលោភសិទ្ធិមនុស្ស និងបង្កើនការចូលរួមរបស់សមាជិករបស់សហគមន៍ ក្នុងដំណើរការធ្វើសេចក្តីសម្រេចចិត្ត និងក្នុងការរៀបចំ ការអនុវត្ត និងតាមដានដំណើរការ CDP។
