តាមការ អន្តរាគមន៍ របស់សមាគម អាដហុក ការពារសិទ្ធមនុស្ស និង អភិវឌ្ឍន៍នៅកម្ពុជា ទៅស្ថានអគ្គកុងស៊ុល នៃព្រះរាជាណា ចក្រកម្ពុជាប្រចាំ ប្រទេស ចិននៅខេត្ត គ័ង ចូវ ដើម្បីជួយ ស្ត្រីខ្មែរ ០៦នាក់ អោយបានវិល ពីប្រទេសចិន មកកាន់ ប្រទេសកម្ពុជាវិញ តាមរយៈ បណ្តឹងរបស់ ឪពុកម្តាយ និងក្រុមគ្រួសារ របស់នារី រងគ្រោះ ទាំងនោះ បានមកដាក់ពាក្យ បណ្តឹង នៅសមាគម អាដហុក សុំជួយកូន របស់ពួក គាត់ និងមាន ចំណាត់ការ ចំពោះ មេខ្យល់ ដែលបាន បោកបញ្ឆោត យកជន រងគ្រោះទៅ លក់នៅ ឯប្រទេសចិន។
នៅថ្ងៃទី០៣ ខែកញ្ញា ឆ្នាំ២០១៥ ម៉ោង ១:៣០នាទីរសៀល នារីរងគ្រោះម្នាក់ឈ្មោះ ឈ ស ន អាយុ ២០ ឆ្នាំ ក្នុងចំនោម ០៦នាក់ ដែលបានរត់ទៅរកស្ថានអគ្គកុលស៊ុលកម្ពុជានៅខេត្ត គ័ង ចូវ ប្រទេសចិន កាលពីថ្ងៃទី០១ ខែកញ្ញា ឆ្នាំ២០១៥ នោះបានមកដល់ប្រទេសកម្ពុជាវិញដោយសុវត្តិភាព និងត្រូវបានត្រលប់ទៅផ្ទះវិញ។ ក៏ប៉ុន្តែនារីរងគ្រោះនៅតែមានទុក្ខកង្វល់ជាខ្លាំង ដោយសារតែមិនបាននាំយកកូនប្រុស អាយុ០២ឆ្នាំ មកជាមួយខ្លូនបាន និងនាងកំពុងមានបញ្ហាសុខភាពផង ដោយសារតែកាលពីនៅឯប្រទេសចិនរស់នៅ
ជាមួយប្តីមិនដែលបានទទួលទានអាហារ ថ្នាំសង្កូវគ្រប់គ្រាន់ ថែមទាំងទទួលរងនូវការវាយដំញឹកញាប់ពីប្តីទៀតផង។
សមាគមអាដហុក កំពុងបន្តការអន្តរាគមន៍ ដើម្បីជួយដល់នារី ០៥នាក់ ទៀតដែលកំពុងមានបញ្ហារំាងស្ទះនៅឯស្ថានអគ្គកុងស៊ុលខ្មែរប្រចាំខេត្ត គ័ង ចូវ និង បន្តធ្វើការតាមដានករណីនេះ។
