កុមារី ជាជនពិការអវៈយវៈនិង គ ថ្លង់ ត្រូវបានបុរសម្នាក់រំលោភសេពសន្ថវៈដោយគ្មានមេត្តា

កុមារី​រងគ្រោះ​ម្នាក់​ឈ្មោះ ជ សផ អាយុ ១២ឆ្នាំ ត្រូវបាន​ជនប្រព្រឹត្ត​ឈ្មោះ សំ ហិល ភេទ ប្រុស អាយុ ៤៧ឆ្នាំ ជនជាតិខ្មែរ មិនមាន​មុខរបរ​ពិតប្រាកដ ចាប់រំលោភ​សេពសន្ថវៈ​រហូតបាន​សំរេច នៅនឹងផ្ទះ​របស់ខ្លួន ខណៈឪពុក ម្តាយ ចេញទៅ​ច្រូចស្រូវ ទុកកុមារី​រងគ្រោះ​ឲ្យនៅផ្ទះ​តែម្នាក់ឯង។ ហេតុការណ៍​ដ៍ព្រៃផ្សៃនេះ បានកើត​ឡើង នៅថ្ងៃទី ២៦ ខែធ្នូ ឆ្នាំ២០១៥ វេលាម៉ោង ៥.០០នាទីល្ងាច នៅចំណុច​ក្រោមផ្ទះ​កុមារី​រងគ្រោះ ស្ថិតនៅ​ភូមិ​ធ្លកយុល ឃុំ​ស្រែសំរោង  ស្រុក​ជុំគីរី  ខេត្ដ​កំពត។ ក្នុងពេល​កើតហេតុ ជាទំលាប់ កុមារី​រងគ្រោះ​ មិនមាន​ស្លៀក សំពត់ ឬខោទេ ពាក់តែអាវ​ប៉ុណ្ណោះ ព្រោះឪពុក ម្តាយ ខ្លាចនាង បត់ជើងតូច ឬធំមិនកើត ដោយសា​កុមារី​រងគ្រោះ​ជាជនពិការ។ ក្រោយ​កើតហេតុ ជនប្រព្រឹត្ត​ត្រូវបាន​ចាប់ឃុំខ្លួន​នៅពន្ធនាគារ​ខេត្ត កំពត ចំណែក​កុមារី​រងគ្រោះ ត្រូវបាន​សមាគម​អាដហុក ខេត្តកំពត ជួយអន្តរាគមន៍ ផ្តល់មេធាវី និង​សរសេរ​ពាក្យបណ្តឹង​ទៅតុលាការ។