ប្រជាពលរដ្ឋជិត ១០០នាក់មកពីភូមិថ្មី ឃុំតាំងសំរោង ស្រុកភ្នំស្រួច ខេត្តកំពង់ស្ពឺ បានឡើងមកតវ៉ា និងដាក់ញ្ញត្តិនៅមុខផ្ទះលោកនាយករដ្ឋមន្ត្រី ហ៊ុន សែន នៅល្ងាចថ្ងៃទី០៦ ខែសីហា ឆ្នាំ២០១៥ ដើម្បីស្វែងរកដំណោះស្រាយនៅក្នុងជម្លោះដីធ្លីស្ថិតក្នុងខេត្តមួយនេះ។
លោក យី សុខសាន្ត មន្ត្រីអង្កេតដីធ្លីនៃសមាគមការពារសិទ្ធិអាដហុក បានឲ្យដឹងថា ដោយមានចានឆ្នាំង កន្ទេល និងបង្វេច ប្រជាពលរដ្ឋទាំងនោះ បានស្នើសុំអន្តរាគមន៍ពីលោកនាយករដ្ឋមន្ត្រី ហ៊ុន សែន ក្រសួងយុត្ដិធម៌ និងអង្គភាពប្រឆាំងអំពើពុករលួយ ឲ្យជួយដោះស្រាយកង្វល់របស់ពួកគាត់ ដែលកំពុងកើតមានជាមួយក្រុមទាហ៊ានដ៏មានអំណាច។
ទោះជាយ៉ាងណា លោកបញ្ជាក់ថា គ្មានការរារាំងចំពោះការដាក់ញ្ញត្តិនេះទេ ហើយមន្ត្រីខុទ្ទកាល័យលោកនាយករដ្ឋមន្ត្រី ហ៊ុន សែន បានចេញមកទទួលញ្ញត្តិពីប្រជាពលរដ្ឋ៕
