សមាគមអាដហុក ការពារសិទ្ធិមនុស្ស និងអភិវឌ្ឍន៍នៅកម្ពុជា (អាដហុក) គឺជាអង្គការក្រៅ រដ្ឋាភិបាល ឯករាជ្យ-អព្យាក្រឹត មិនរកផលចំណេញ និងមិនស្ថិតក្រោមការឃុំគ្រងរបស់គណបក្សនយោបាយណាមួយ ហើយធ្វើការដើម្បីស្ថាបនាអោយមានឡើងវិញនូវសិទ្ធិ សេរីភាពជាមូលដ្ឋានតាមរយៈការ បង្កើនចំណេះដឹងផ្នែកសិទ្ធិមនុស្ស និងច្បាប់ដល់ប្រជាពលរដ្ឋ ធ្វើយ៉ាងណាអោយគាត់យល់អំពីសិទ្ធិមនុស្ស និងចេះការពារសិទ្ធិដោយខ្លួនឯង។ សមាគមអាដហុក ត្រូវបានបង្កើតឡើងនៅចុងឆ្នាំ ១៩៩១ ដែលមានការិយាល័យកណ្តាលនៅទីស្នាក់ការភ្នំពេញ និងការិយាល័យខេត្ត-រាជធានី ចំនួន ២៤ ទៀត។
យោងតាមតម្រូវការជាចាំបាច់របស់សមាគមនៅក្នុងពេលបច្ចុប្បន្ននេះ សមាគមអាដហុក សូមជូន ដំណឹងដល់សាធារណៈជនទាំងអស់អោយបានជ្រាបថា សមាគម ត្រូវការជ្រើសរើសបុគ្គលិកចំនួន ១រូប ដែលមានសមត្ថភាពបំរើការងារជាបុគ្គលិកផ្នែកគណនេយ្យ តួនាទីបេឡាករប្រចាំស្នាក់ការកណ្តាលរាជធានី ភ្នំពេញ។
បុគ្គលិកផ្នែកគណនេយ្យ តួនាទីបេឡាករ (ប្រាក់បៀវត្សរ៍ចាប់ពី ៣៥០ដុល្លារ)
ភារកិច្ច និងការទទួលខុសត្រូវ
– គ្រប់គ្រងសាច់ប្រាក់ (Petty Cash)
– រៀបចំសំណើថវិកាសំរាប់បំពេញបន្ថែមការចំណាយតិចតួច
– ត្រួតពិនិត្យ និងរៀបចំវិក័យបត្រផ្លូវការរបស់សមាគម
– រៀបចំចំណូល-ចំណាយ និងរាប់សាច់ប្រាក់នៅបំណាច់ខែនីមួយៗ
– កត់ត្រាបញ្ជីចំណូល-ចំណាយ
– ទំនាក់ទំនងជាមួយធនាគារ
– រក្សាឯកសារគណនេយ្យ
– បញ្ចូលទិន្នន័យសាច់ប្រាក់ទៅក្នុងប្រព័ន្ធគណនេយ្យ QuicksBook
– អនុវត្តការផ្សេងៗតាមការចាត់តាំងរបស់ប្រធានផ្នែក
បេក្ខជន/បេក្ខនារីត្រូវមានលក្ខណៈសម្បត្តិដូចខាងក្រោម
– ជនជាតិខ្មែរ អាយុចាប់ពី ២៥ឆ្នាំឡើង
– មានកំរិតវប្បធម៌ថ្នាក់បរិញ្ញាបត្រគណនេយ្យ
– ធ្លាប់មានបទពិសោធន៍ធ្វើការងារជាមួយអង្គការសិទ្ធិមនុស្សជាតិ-អន្តរជាតិចាប់ពី ៣ឆ្នាំឡើង
– មានអត្តចរិក សីលធម៌ល្អ និងមានភាពស្មោះត្រង់
– បេក្ខជន/បេក្ខនារីត្រូវមានចំណេះដឹងភាសាអង់គ្លេសអាចប្រើការបាន
– មានចំណេះដឹងកុំព្យូទ័រជាមូលដ្ឋាន (Word, Excel, PowerPoint, email, Internet and QuicksBook)
បេក្ខជន/បេក្ខនារី ដែលមានចំណាប់អារម្មណ៍ សូមផ្ញើប្រវត្តិរូប មកការិយាល័យរដ្ឋបាល តាមអាស័យដ្ឋានផ្ទះលេខ៣ ផ្លូវ១៥៨ ឧកញ៉ាទ្រឿងកាង សង្កាត់បឹងរាំង ខណ្ឌដូនពេញ រាជធានីភ្នំពេញ ឬតាមរយៈអ៊ីម៉ែល adhoc@forum.org.kh ចាប់ពីថ្ងៃផ្សាយដំណឹងនេះតទៅ ផុតកំណត់ទទួលពាក្យថ្ងៃទី២៧ ខែមីនា ឆ្នាំ២០១៥។
