អ្នកភូមិប្រហែល ១០០នាក់មកពីឃុំជ័យឧត្ដម ស្រុកលំផាត់ បានឡើងទៅទាមទារឲ្យតុលាការខេត្តនេះដោះលែងលោក សៃ រ៉េត ដែលត្រូវបានសមត្ថកិច្ចចាប់ខ្លួនកាលពីរសៀលថ្ងៃទី២០ ខែកក្ដដា ឆ្នាំ២០១៥ នៅក្នុងសំណុំរឿងករណីអំពើហិង្សាកាលពីឆ្នាំ២០១២។
លោក ឆាយ ធី អ្នកសម្របសម្រួលនៃសមាគមអាដហុកប្រចាំខេត្តរតនគិរី បានឲ្យដឹងថា ប្រជាពលរដ្ឋទាំងនោះ បានអះអាងថា លោក សៃ រ៉េត អាយុ ៤៥ឆ្នាំ ពុំបានស្ថិតនៅកន្លែងកើតហេតុនោះឡើយ នៅពេលដែលអំពើហិង្សានោះកើតឡើងនៅក្នុងពិធីមង្គលការមួយកាលពីឆ្នាំ២០១២។
ប្រជាពលរដ្ឋទាំងនោះ បានបញ្ជាក់ថា ពួកគាត់នឹងបន្តស្វែងរកកិច្ចអន្តរាគមន៍ទៅបណ្ដាស្ថាប័ន និងអង្គការសិទ្ធិមនុស្សនានា ចំពោះករណីនេះ៕
