នៅថ្ងៃទី ០៤ ខែ កុម្ភៈ ឆ្នាំ ២០១៤ វេលាម៉ោង ៩ព្រឹក នៅទីស្នាក់ការសមាគមអាដហុកភ្នំពេញ មានការរៀបចំធ្វើសន្និសិទសារពត៌មាន ស្តីពី ការប្រឈមរបស់ពលករខ្មែនៅប្រទេសថៃ ដោយមានការចូលរួមពី ៖
អ្នកស្រី ជួន ចំរុង ប្រធានផ្នែកស្រី្តសមាគមអាដហុក
អ្នកស្រី គា សុផល មេធាវី
រួមជាមួយជនរងគ្រោះ និងអ្នកសារពត៌មានជាតិ អន្តរជាតិបានចូលរួមផងដែរ។
អ្នកស្រី ជួន ចំរុង ប្រធានផ្នែកស្រី្តសមាគមអាដហុក បានថ្លែងក្នុងកម្មវិធីបើកសន្និសិទសារពត៌មានដោយបានលើកឡើងពី ការប្រឈមរបស់ពលករខ្មែ ដែលបានកើតឡើងក្នុងឆ្នាំ ២០១៣ មានចំនួន ជាង២០០ករណី ក្នុងនោះប្រទេសថៃ មានចំនួន ៧៥ករណី ។អ្នកស្រី ក៏បានលើកឡើងពីការប្រឈមទាំងនោះមានដូចជា ការបាត់ខ្លួន ការធ្វើទារុណកម្ម កាត់ប្រាក់ខែ ការហូបមិនគ្រប់គ្រាន់ ការបាញ់សម្លាប់តាមច្រកព្រំដែនជាដើម។
បន្ទាប់មកអ្នកស្រី គា សុផល មេធាវី ក៏បានលើកឡើងពី ចំណាត់ការ និងភាពអសកម្មរបស់មន្ត្រីពាក់ពន្ធ័មានមន្ត្រីស្ថានទូតកម្ពុជា ប្រចាំនៅប្រទេសថៃ ក្នុងការដោះស្រាយលើករណីនារីខ្មែរ ដែលត្រូវបានថៅកែជនជាតិថៃធ្វើទារុណកម្ម។ ក្រោយពីមានការថ្លែងពីដំណើររឿងរ៉ាវរបស់នារីរងគ្រោះ ក៏មានការសាកសួរពត៌មានពីអ្នកសារពត៌មានដែលបានចូលរួម។ សមាគមអាដហុកក៏បានចែកជូនសេចក្តីថ្លែងការណ៏ ដែលបញ្ជាក់ពីកង្វល់របស់ខ្លួន ចំពោះចំណាត់ការស្វែងរកយុត្តិធម៌ សំរាប់នារីរងគ្រោះដែលត្រូវថៅកែជនជាតិថៃធ្វើទារុណកម្ម ដល់អ្នកសារពត៌មានដែលបានចូលរួម។
